بيتزا من ايدين بنت خالتي

السلالالالام عليكم ..

كيف الحال؟؟

ان شاء الله الكل بخير

اليوم سوينا لكم بيتزا

والطريقه حدها سهله ..

اول شي نسوي العجينه ..

ونخلط .. ملعقتين سكر .. 1 ملعقه خميره .. اشوي ملح .. 1 كاس طحين .. 1 كاس ماي دافي

و 2 ملعقه حليب بورد حسب الرغبه

لما يختلطون .. بيصيرون سائل اشوي .. نخليهم 10 دقايق بس

بعدين نخلط معاهم 1 ونص كاس طحين .. وربع كاس زيت ..

ونخلطهم لما تتكون العجينه ..

الحين نجهز الحشووه ..

انا بسويها على لحم ...

اول شي نقطع بصل صغار ونخليه مع الزيت لما يذبل ..

بعدين نضيف له اللحم .. وبهار وملح .. وصلصه طماطم ونخليه على نار هاديه لما يستوي اللحم ..

بعدين ناخذ صحن البيتزا .. وندهنه باشوي زيت زيتون .. ونحط فيه العجينه ..

بعدين ناخذ شوكه ونسوي في العجينه ثقوب .. ونمسح العجينه بزيت زيتون اشويه ..

بعدين نحط اللحم ..

الي ما يبي على لحم ..

يحط كاشب ..

بعدين نحط الخضره الي نبيها ..

انا حطيت مشروم و زيتون اخضر واسود و الجبن ..

تقدرون بعد تحطون قطع طماطم وفلفل اخضر بارد .. حسب الي تحبون

او اذا سجق او مورتديلا ...

وندخلها الفرن تقريبا 10 الى ربع ساعه ..

درجه حراره الفرن 200 ..

وانا سويت بيتزا صغار بعد

وبالعااااااااافيه

ملاحظه العجينه تكفي لصحنين بيتزا ... او تقدرون تسون بالباقي بيتزا صغار على حسب رغبتكم ..

سي يا

Like a Star @ heaven

» ورق عنب من ايدين بنت خالتي
» دجاج بالبقسماط من ايدين بنت خالتي
» سباجيتي على دجاج من ايدين بنت خالتي
» طريقة الكشري من ايدين بنت خالتي
» نودلز بالدجاج من ايدين بنت خالتي