آجار او مخلل بمبر من إيدين بنت خالتي بالصور

السلام عليكم..

شخباركم ..

تعرفون كلكم بدء موسم الصيف .. وموسم الرطب والبمبر ..

واكثرنا ما ياكل البمبر .. فالناس يستفيدون منه ويسونه آجار ..

عاد الي ما يعرف البمبر مشكلته ههه

الطريقه سهله وايد ..



أول شي ناخذ البمبر .. ولزمن يكون اخضر .. يعني للحين ما استوى .. ونشيل منه النواه ..

ونفسمه قسمين .. ونغسله عدل ..



بعدين ناخذ ماي ونخليه يغلي ولما يغلي نخلي عليه البمبر ونضيف معاه ملح و خل ..

ونخليه يغلي لما يصير البمبر لين .. وراح يصير لونه افتح ..

بعدين نصفيه .. ونخلي اشوي من الماي الي غليناه فيه ..



نقطع طماطه ..



وفلفل بارد وحار ..



وثوم ..



الحين راح نسوي الصلصه ..

اول شي نخلي اشوي زيت ونحط عليه الطماطه ونخليه لما يذوب ..



بعدين نخلي عليه الفلفل الحار والبارد والثوم .. ونخليه لما يذبل ..



وهذا شكله ..





نضيف عليه البمبر .. ونخلي معاه صلصه طماطم .. عشان يصير احمر ..

ونضيف اشوي من الماي الي خليناه .. وملح .. وخل ..

وبهارات منوعه .. وكمون من مطحون ( يكون شكله دوائر )

وكزبره مطحونه

ونخليه على نار هاديه ..

ونشوف اذا يبي له ملح بعد او كفايه .. واذا تبونه حار ضيفوا فلفل اكثر .. او وسط او بارد ..




وبعدين نخليه يبرد .. ونخليه بعدين في غراش ..

وفي الثلاجه ..

وبالعااااااااافيه